啲舖頭睇落好簡單，盤生意背後往往唔係咁一回事。呢度將香港常見嘅小生意——便利店、茶記、連鎖店——攞嚟拆解，用數據同圖表，100秒講清楚：租、人工、分成、真正落袋嘅係幾多。
一個題目，100秒，睇完你會識得問：呢盤生意，到底邊個先係老細？
錢由邊個出、風險邊個孭、真正落袋嘅係邊個——營業額一層層扣落去，扣到月尾淨收，答案通常唔係你以為嗰個。
【第④集更正｜的士車隊生意】 片中每日營業額 $1,500、每月 $39,000 係自行設定嘅假設，未有足夠資料支持其代表性，亦未清楚交代單更或雙更。 因此，我哋撤回「一部車月賺 $3,700」及「閒置一部車月蝕 $20,300」作為一般車隊盈利或虧損嘅結論。 「車隊司機係僱員」亦講得太概括。受薪、租車及加盟安排需要分開分析，不能套用同一組收支。 今次問題係模型依據同適用範圍不足，唔係加一句「假設」就足夠。原片仍保留上述內容，請連同本更正閱讀。我哋會先核實資料，再決定是否製作修正版。 多謝觀眾指出問題。
上集拆司機，今集拆平台。每 $100 車費平台實收 $27，但保險、手續費、推廣、研發、客服一層層扣落去，營運利潤淨係 $2.9。同一程車：司機淨收 $40，平台淨賺 $3，其餘 $57 落咗油站、保險公司同廣告商手。香港平台牌費 $120 萬，10 個鐘就賺到——真正燒錢嘅係搶客。
一星期六日、一日十二個鐘，乘客一個月畀 4 萬車費，平台先抽兩成半。部車係你自己嘅：油費、車位、折舊、商用三保再走 1 萬 4，真正落袋 1 萬 6。除開 312 個鐘，時薪 $51，僅僅高過最低工資。新例首階段只發 1 萬個牌，3 萬幾人爭。
市區牌 230 萬，加架新混能的士 41 萬，租畀司機日更夜更——表面年回報十厘。但保險、折舊、維修、斷更逐層扣落去，淨回報只係 4.8 厘。而個牌由 2015 年 723 萬跌到今日 230 萬，高位入市嘅人要 38 年淨收入先補得返。
每一集一樣長、一樣嘅結構：第 0 秒就係數字，唔賣關子；一張收支表由營業額一層層扣到淨收；最後留一條問題畀你。
啲舖頭睇落好簡單，盤生意背後往往唔係咁一回事。呢度將香港常見嘅小生意——便利店、茶記、連鎖店——攞嚟拆解，用數據同圖表，100秒講清楚：租、人工、分成、真正落袋嘅係幾多。
一個題目，100秒，睇完你會識得問：呢盤生意，到底邊個先係老細？
呢盤生意，同你諗嘅一樣定唔一樣？留言話我知你想拆解邊一行。
同一個廠出品，唔同嘅100秒。100s Labo 係原創音樂企劃：每首歌大約 100 秒，一章一段心事；商業實驗室就用同一個 100 秒，拆一盤生意。
